Dy javët e para,
çka fiton e mban krejt.
Pastaj 15% nga çdo udhëtim — asgjë tjetër. Pa pagesë mujore, pa tarifë regjistrimi, pa kushte të fshehura në fund të faqes.
Si i llogarisim paratë
Klienti të paguan në dorë. Komisioni ynë mblidhet veç dhe e barazon me ne kur të arrijë një shumë të caktuar. Në app e sheh gjendjen çdo ditë.
komisioni pas dy javëve të para
0% për 14 ditë
Nga dita që të aprovohet llogaria, jo nga dita që e shkarkon app-in. Koha sa presim ne dokumentet nuk të hahet ty.
15% pastaj
Nga çmimi i udhëtimit. Një udhëtim €4 do të thotë 60 cent komision.
Naftën e sheh veç
Në app shkruan sa shpenzove për naftë dhe larje, dhe të tregon sa të mbeti vërtet në xhep. Jo vetëm sa fitove.
Nuk mbajmë asgjë nga bakshishi. Nëse klienti të jep më shumë, ajo është e jotja.
Çka të duhet
- Patentë shoferi kategoria B, e vlefshme
- Të dyja anët e patentës, të fotografuara
- Një selfie për verifikim
- Veturë e regjistruar dhe e siguruar
- Telefon me internet dhe GPS
Vetura nuk duhet të jetë e jotja
Mund të punosh me veturën e familjes ose të një shoku, mjafton të kesh leje nga pronari. Në app mban deri në tri vetura dhe kalon mes tyre kur njëra është te servisi.
Si nisesh
Llogarinë e hap për një minutë. Dokumentet i ngarkon kur të kesh kohë — nëse ndalesh në mes, gjithçka ruhet.
Shkarko app-in dhe regjistrohu
Vetëm numra të Kosovës. Të vjen një kod me SMS.
Fotografo patentën dhe bëj një selfie
Të dyja anët e patentës. Nëse ndalesh, vazhdon më vonë nga aty ku e le.
Prit aprovimin
I shikojmë dokumentet me sy, jo vetëm me makinë. Zakonisht brenda ditës. Nëse diçka nuk lexohet, të shkruajmë saktë çka duhet rifotografuar.
Dil online dhe fillo
Ti cakton sa larg pranon kërkesa dhe kur je i lirë. Askush nuk të detyron orar.
Regjistrimi ende nuk është i hapur për të gjithë. Po nisim me një grup të vogël shoferësh në Prishtinë. Nëse do të jesh mes të parëve, na shkruaj te info@udha-app.com.
Pyetjet që na bëhen më shpesh
Kur i marr paratë?
Menjëherë, në dorë, nga vetë klienti. Nuk pret javën apo muajin.
Si e paguaj komisionin?
Mblidhet në app pas çdo udhëtimi. E barazon me ne kur të arrijë kufirin, dhe e sheh gjendjen kurdo.
A më detyron të pranoj çdo kërkesë?
Jo. Po sa më shumë pranon, aq më shpejt të vijnë kërkesat e reja — sepse mes shoferëve afër njëri-tjetrit, provohet i pari ai që përgjigjet.
Çka nëse klienti nuk paraqitet?
E raporton nga app-i. E kontrollojmë dhe, nëse konfirmohet, klientit i vjen paralajmërimi. Raportimi i rremë sjell pezullim.